தேன் தமிழ்மொழி.

 தித்திக்கும் தேன்தமிழை செத்தமொழி சிதைத்திடுமா?
எத்திக்கும் எம்தமிழே நிலைத்திடுமா? - இத்தரையில்
எந்தமிழர் "தமிங்கிலிசு" தவிர்த்தாலே என்றென்றும்
செந்தமிழ் தான் வென்றிடுமே!             
                                                                                       -இராசசேகரன்...


இருப்பாய் தமிழா நெருப்பாய்!
இருந்தது போதும் இதுவரை செருப்பாய்!
இருப்பாய் தமிழா நெருப்பாய்!

குட்டக் குட்ட நீ குனிந்தால் உலகத்தில்
...குட்டிக் கொண்டேதானிருப்பான் - முரசு
கொட்டி எழடா உன் பகைவன் பிடரியில்
குதிகால் பட ஓடிப் பறப்பான்!

கைவிலங்கு நீ சுமந்தாய் இதற்கோடா
கருவில் உன்னைத் தாய் சுமந்தாள்! - இனப்போர்
செய்யக் களம்வாடா கொடுமை தூள்படும்
சிறுத்தை உன் கண்கள் சிவந்தால்!

வெல்லமோடா உயிர் உனக்கு? - புவிகாண
வீறுகொண்டு போர் இடடா! - தமிழர்
உள்ளம் மகிழ நீ களத்தில் நடடா
உயிரையும் தூக்கிக் கொடடா!

வஞ்சினம் முழக்கி எழடா! மானத்தின்
வல்லமை உன் பகை உடைக்கும்! - அட
நெஞ்சில் தமிழ்வீரம் பொங்க நில்லடா!
நிமிர்ந்த வரலாறு கிடைக்கும்!
- காசி ஆனந்தன்

    *
      Thiru Valavan
      வானுயர வளம்பெருக ஓங்கிப் புகழோச்சியவன்
      தேனினிய தெள்ளுமொழி செந்தமிழைப் பேசியவன்
      ஏட்டினில் பிறமொழியை எழுதி வைத்துப் பழக்குவதா?
      பேச்சினில் பிறமொழியைக் கலந்துதமிழ் கொல்லுவதா? (வானுயர )

      ...முத்தமிழ் வாழும் மொழி வடமொழி செத்தமொழி
      உலகினில் பேசுமொழி தமிழ்மொழி மூத்தமொழி
      கண்ணெனப் போற்று பொன்னல்லவோ கூறு
      கலப்பினைச் செய்யும் அழிப்பாரை ஓட்டு
      பாவாணர் சொன்னாரப்பா..... ஒட்டுண்ணி நமக்குத் சங்கதந்தான்

      செந்தமிழ் வாழ்வதும் மண்ணிதில் தாழ்வதும்
      சொந்த இனத்தினர் கையினில்தான் (வானுயர )

      கன்னடமும் களிதெலுங்கும் பிறந்ததும் எதனாலே ?
      இன்னமும் ஆங்கிலத்தைக் கலப்பதும் எதனாலே?
      மண்ணாகிப் போகும் பண்பாடும் சாகும்
      பொன்னான உன்றன் இனமாறிப் போகும்
      தப்பினைச் செய்யாதப்பா ... ஞாலத்தில் அழிந்து போவாயப்பா..

      ஆருயிர் என்பதும் ஆருடல் என்பதும்
      மண்ணில் தமிழுந்தன் அன்னையப்பா (வானுயர )

      நலம் பெற வாழ்க தமிழினமே - இந்த
      ஞாலத்தில் தனி நாட்டைச் சமைத்தே ...

      இரா.திருமாவளவன்

தமிழனின் புத்தாண்டுத் திருவிழா.

இதில் அய்யத்திற்கு இடமே இல்லை. பொங்கல் தான் தமிழரின் திருவிழா, தமிழ் புத்தாண்டு, வேளாண்மைக்கு விழா, வேளாண்மைக்கு உதவிய கால்நடைகளுக்கு நன்றி செலுத்தும் விழா, உற்றார் உறவினரை மகிழ்வுடன் சந்திக்கும் விழா. தீபாவளிக்கு மாற்றாக ஒரு விழா என்றால் ...அது கார்த்திகை தீபத்திருவிழா.
இது தமிழனின் பொதுநல நோக்கத்தால், மக்களுக்கு நன்மை செய்யும் பொருட்டு தோன்றிய விழா.
(நளி)கார்த்திகை மாதத்தில் இருள் அதிகமாக இருக்கும். வழிப்போக்கர்களுக்காகவும், ஊர்மக்கள் வெளியில் நடமாட ஏதுவாக இருக்கட்டும் என்று, வெளி வாயிலில் விளக்கேற்றி. நாளடைவில் விளக்கு வைப்பதை சற்று அழகுபடுத்தி வரிசையாக வைக்கத்தொடங்கினர். இதுவே பின்னாளில் மாற்றுக்கதைகள் சொல்லப்பட்டு, வேறு விழாக்களாக மாற்றப்பட்டுவிட்டன என்பது எனது கருத்து.#

#
தமிழன் பகலவனைத்தான் முதல் இறைவனாக வணங்கினான். பூமியின் இயக்கமும், அனைத்து உயிர்களின் தோற்றமும் பகலவனாலன்றி வேறில்லை எனத் தமிழன் அறிந்திருந்தான். "பூமியிலே மாரியெல்லாம் சூரியனாலே, பயிர் பூப்பதுவும் காய்ப்பதுவும் மாரியினாலே" என்பதை முழுதாக
அற...ிந்திருந்தான். வள்ளுவனும் இதனை "அகர முதல எழுத்தெல்லாம் ஆதி பக(ல)வன் முதற்றே உலகு" என்று பகலவனை முன்னிறுத்தியே பாடினார். அதற்கு வேறு கதைகளை திரித்துக் கூறினர், ஆரியர்.#

அந்தப் பகலவன், தென் திசையிலிருந்து வடக்கு நோக்கி நகரும் நாளையே, தமிழன், தனது புத்தாண்டாகக்கொண்டான். இதில் போகி பண்டிகையை தமக்கு சாதகமாகப் பயன்படுத்திக் கொண்டனர் ஆரியர். அதாவது தமிழர் எழுதிய பாடல்கள், வரலாற்று ஆவணங்கள் அனைத்தையும் எரித்தால், அல்லது ஓடும் நீரில் போட்டால் உங்களுககு மோட்சம் கிடைக்கும் என்று கூறி தமிழனின் வரலாற்றை திட்டமிட்டு அழித்தனர், ஆரியர்.

#எப்படியாயினும் சுறவம்(தை) முதல் நாளே தமிழனின் புத்தாண்டு. அதுவே எந்த அருவருப்பான ஆரியக்கதைகளும் இல்லாத, முழுக்க முழுக்க அறிவியல் தன்மையோடு கூடிய, உழைப்பையே பெரிதும் போற்றக்கூடிய பொங்கல் தான் தமிழனின் ஒரே திருவிழாவாக இருக்கமுடியும். இருக்கவேண்டும். செந்தமிழே வெல்லும்...!!

Facebook

Facebook